Ananya Mishra said "Chunav ki Nauka me Jati ka patwar"

Yah kahna atiyukti na hogi ki hindusan k pm pad ko pane k line me lage rajnetao ko bhi election me fatah hasil kerne k liye jati ka sahara lena pad raha hai. Tisre mauke k himayati aur usme khud ko pm pd ki davedari rakhne wale manniya mulayam singh election jeetne k liye Yadav bahul Azamgarh ko vikas ka shabd vad dikha rahe the. VJP k Pm pad k candidate Manniya Narendra Modi ko bhi apne Vikas aur Good Government ka agenda chodker jati viradari k chakrvyuh me janta ko uljhane ki kutnitik chal chalni padi. Gosna patra aur maukhik bhasan baji me koi kitna hi vikas, Bhrastachar aur good government ki bat kyun na kare, antath jati viradari ka chakker un sabhi netao ki pol khol deta hai jo chunav me jati ka trumpcard kholte hain. Is mamle me  Mayawati ji ki kisi social engineering k formule se prayah sabhi parichit hain jo shuddh jatiya rajniti per aadharit hain. Desh ka durbhagya hai ki Hindustan ki rajnit me natik mulyo ka kharan ho raha hai. Vyaktigat aarop- prtyarop aur jati k nam per blackmailing ki rajniti ka prachlan jor pakdata ja raha hai. Aaj chunav ki vatrani nadi ko par kerne k liye kisi ko bhi jati ki ptwar thamne me koi hichak nahi hai.